Torp

Cantautur

Torp tuna sco folc. Mo folc tuna buca sco Torp – silmeins tochen uss.
Il cumponist da canzuns Frieder Torp ha sco mo paucs il dun da cumpletar recepts da folc cun sias atgnas ingredienzas. Cun otg onns eis el vegnius a star dalla Tiaratudestga dil Nord ellas Alps Svizras. Incantaus dalla musica populara svizra ha el empriu gia baul da sunar accordeon. Silsuenter ha siu viadi musical menau el dil punkrock sur il gipsy-swing a siu agen sound nunconfundibel.

Cun agid da pickings da ghitara raffinai, ritmus alternonts e harmonias variadas sco era arranschaments cumpacts transformescha Torp canzuns cumplexas en melodias tschaffontas.

Cun sia emprema single «The Wild» ei Torp gest vegnius ella hot-rotation dil radio svizzer – e quei, malgrad (ni forsa gest perquei) ch’ella corrispunda insumma buc alla fuormla usitada dallas canzuns da pop. Silsuenter eis el ius sin turneas ed ha dau numerus concerts. Ils davos dus onns ei Torp seretratgs sin in bein puril, ha scret canzuns, envidau musicists, registrau nundumbreivlas melodias, ha arranschau e gliemau vid sia nova ovra.