JoJo and the Dinosaurs

Musica

«Quei ei Rhythm&Joy»

Cura che Jolanda Maria Casutt lai resunar sia vusch, san ins far nuot auter che arver il cor e las ureglias. Ei emporta buca, sch’igl ei blues, swing, scat ni jodel: ins di che las cordas vocalicas dalla cantadura sappien far bia dapli che mo transportar bialas melodias. Ted Ling ei carschius si a Londra. Cun nov onns ha el entschiet a sunar clavazin. Sia mesa veta ha el passentau cun bands da show sin tribunas europeicas. El ha era sunau en Svizra el nunemblideivel Hazyland-Club. Mario Giovanoli suna biars instruments e cumpona ultra da musica d’orchester e da combra era canzuns els pli divers stils. El scriva texts da canzuns, ha luvrau 20 onns sco musicist da teater ed ha festivau 2017 siu 50avel giubileum da tribuna. Rico Wiget ei il pli giuven dino, mo in cun biars onns experientscha quei che pertucca il sunar en bands. Dapi 1977 han differentas formaziuns sco Storklane, Funny Hill, Blow Job, Le Zip, Manu Bosch Band ni Jangle astgau profitar da siu groove nuncumparegliabel vid la battaria. Treis musicists – quasi il cussegl dils sabis (alvs) – ed ina cantadura cul cor en bucca: quei ei Rhythm&Joy. Seschei surprender da quei program variont ed impressiunont.