Ils Jauers Arno & Aldo

musica

Ils Jauers Arno & Aldo contan dapi 18 onns ensemen sco trubadurs romontschs classics. Lur vuschs vegnan accumpignadas dad ina ghitara acustica. Els fan musica cun pissiun, mo era per promover e mantener il romontsch. Ils davos onns ein els savens stai da viadi sco duo ed han aschia saviu purtar or el mund lur lungatg matern, il romontsch, e far in plascher a biars cun lur musica. Arno Lamprecht ha scret varga 100 canzuns per il duo ils davos onns, las biaras cun text e melodia. Quellas canzuns ein vegnidas registradas sin tschun CDs. Ils Jauers vegnan giavischai regularmein dil concert sin giavisch, dallas gratulaziuns e dils salids da catscha duront la catscha aulta sin Radio Rumantsch. La pli gronda satisfacziun per Ils Jauers ei, sch’els san far in plascher allas audituras ed als auditurs cun lur canzuns. Dapi dacuort dat ei sin YouTube treis videoclips dils Jauers.