Elisabeth Bardill e Gisula Tscharner

Plaid e musica

Las soras

Ellas ein carschidas si en ina gronda famiglia musicala en ina casa pervenda al Lag da Turitg cun vesta sin las Alps. Elisabeth ha empriu da mussadra e Gisula ha studegiau teologia. Omisduas han giu famiglia, han adina luvrau ed ein sco tattas ordvart occupadas.

Elisabeth Bardill-Meyer, naschida 1941, ei maridada e viva a Tenna. Ella ha instruiu il davos tschentaner scienzia d’educaziun, zambergiar e formar el Center da formaziun Palottis ad Aschera/Schiers. Oz lavura ella sco autura, editura e collaboratura libra tier gasettas e revistas. Per ses portrets e rapports fa ella viadis en e tras numerusas vals dil Grischun.

Gisula Tscharner-Meyer, naschida 1947, ei maridada e viva el vitget romontsch da Veulden el Grischun Central. Ella ha luvrau sco reverendessa ambulonta per la baselgia cantunala evangelic-reformada ella regiun ed ha fatg politica communala. Silsuenter ha ella saviu realisar sia professiun dils siemis sco spirituala senza confessiun ed accumpignadra da rituals. Cumplementarmein a quellas offertas ha ella purschiu el rom da sia «Wildundweiberbar» buccadinas e sitgs da jarvas selvadias fatgs sezza. Sco impressaria mentala ha ella luvrau ell’entira Svizra.