Anna Cathomas ed Elisabeth Sulser

historias e musica

Dapi l’entschatta dalla Notg culturala Surselva ei Anna Cathomas dalla partida cun sias praulas e historias ch’ella raquenta libramein – accumpignada gia per la secunda gada dalla musicista Elisabeth Sulser.

Elisabeth Sulser lai resunar melodias da tiaras lontanas e da temps vargai sin flautas, cornas camutsch e cornamusas. Aschia s’entretschan ils plaids dad Anna ed ils tuns dad Elisabeth ad in’unitad pli gronda e creeschan numerus maletgs interns.