Anik

cantautura

“Pli baul erel jeu mo responsabla per il dretg beat, ussa dun jeu en il tun.”

Dalla battarista davos sin tribuna alla cantadura il pli davontier – quei ei Anik.

La musica accumpogna la giuvna grischuna da 20 onns che deriva da Sagogn gia da pign ensi. Cun 9 onns ha ella entschiet l’instrucziun da battaria alla Scola da musica Surselva. El decuors dils onns ha ella sunau en differentas bands ed il davos ella girlband romontscha CHIARA. Ensemen cun quella ha ella registrau 2017 l’EP “Mascra”. Aschi bugen sco ella deva en il ritmus, aschi fetg ardeva aunc in auter giavisch en siu cor ch’ella ha igl emprem denton buc ughegiau da realisar: cantar. In di ha ella priu la ghitara da sia sora, ed ord ils emprems accords eis ei adina vegniu dapli, tochen ch’ei deva la finala mo pli ina caussa: Anik e sia ghitara. Schegie che Anik conta oz dapli che quei ch’ella sesa davos la battaria, san ins buca surudir siu sentiment per il ritmus. Ella inconta il public cun sia vusch caulda plein sentiment e raquenta en ses songs sias atgnas historias. Autentic e commuentont!