Notg culturala 20 da zercladur 2020

Nus havein plascher che la notg culturala Surselva astga haver liug sco usitau tenor las pli novas disposiziuns digl Uffeci federal da sanadad dils 27 da matg cun observaziun dallas mesiras da segirtad. Deplorablamein vegn il diember da plazs en tut ils locals ad esser reducius. Nus supplichein per Vossa capientscha ed intimein Vus da reservar Vies plaz aschi spert sco pusseivel.
Nus giavischein a Vus bien divertiment e buna sanadad.

 

Cultura dalla Surselva, per la Surselva

«Crear ina plattaforma per la cultura dalla Surselva».

Che la Surselva ei ina combra da scazis culturals ei negin misteri. Quei cumprova il grond diember da differentas fuormas culturalas ch’ein da veser alla «Notg culturala Surselva». Cantadurs, musicists, acturs, saltunzs, poets, scribents, artists da borlas da savun e sculpturs – quei event cultural survescha ina variaziun gaglia a ses hosps.

Sper tut quels arts figurativs ei era igl art culinaric da gronda impurtonza en nossa regiun. Ils hospitonts scharmants e las cuschinieras ed ils cuschiniers fan lur pusseivel duront la «Notg culturala Surselva» e procuran cun bia pissiun per il beinstar culinaric dils hosps.

Commembers dalla Banca Raiffeisen che separticipeschan alla votaziun primara han il dretg exclusiv da reservar plazs. Tuts buca commembers dalla Raiffeisen, hosps ed indigens ein cordialmein era envidai da medemamein reservar in plaz naven da 10 dis avon ch’igl event ha liug.

Seschei puppergnar culinaricamein ed incantar e surprender dils artists.

Tgei artist che sepresenta en tgei ustria tradin nus buca.