Rival Empire

musica

RIVAL EMPIRE settan cun vers da songs directs enstagl cun cartuschas marschas. Igl ei ina truppa conspirada ch’ei decidida e fiug e flomma da presentar siu sound. Sco individis ein els tuts differents, sco gruppa ageschan els denton communablamein. Da quei ei la visiun da RIVAL EMPIRE resultada: viver ensemen per il mument musical, surmuntar differenzas ed esser ferms da cuminonza.

Cun lur album da debut «Talk» ein RIVAL EMPIRE setschentai directamein sin plaz sis dils charts svizzers d’albums. La platta han els registrau cun Cyrill Camenzind (Lucky Tiger Records), en collaboraziun cun Tanja Dankner e ZiBBZ, els Powerplaystudios a Maur. Suenter ei la band ida sin turnea atras la Svizra ed ha denter auter concertau a Losanna, Genevra, Berna, Basilea, Puntraschigna ed a caschun da divers festivals.

Reto Wohlgensinger (cant, ghitara), Jan Müller (bass) e Luciano Dalla Torre (ghitara principala) glieman endinadamein vid lur songs ed ideas. Il mument live ei per els essenzials. Lur missiun probablamein la pli impurtonta: entusiasmar il public cun elan e cumbattivitad.