Polar extended

musica & plaids

Il duo Polar ed igl artist da plaids

Il duo Polar cun Adrian Schäublin (piano Fender Rhodes, electronics) e Felix Handschin (percussiun, electronics) scuntra igl artist da plaids Gerold Ehrsam.
Avon Vos egls e per Vossas ureglias vegn preparau e surviu da frestg texts, cumposiziuns ed improvisaziuns. Ritmicas tochen pulsontas ein las culissas musicalas e leghers, selvadis e pensivs ils texts. Musica e text, entretschai, in sur l’auter, el dialog. La musica vegn prida per il plaid.