Mark Geary

cantautur

Mark Geary, naschius a Dublin, fascinescha cun ina mischeida simpatica da sgnoccas spontanas, raquens carismatics, canzuns tschaffontas ed elaboradas e texts cun profunditad.

Ils davos 20 onns ha el viviu en sia patria l’Irlanda ed a New York City, nua ch’el ha gudignau giu las cordas ella scena da musica. La renconuschientscha e l’attenziun dil public e da collegas musicists ha el survegniu denter auter cun sias representaziuns el legendar Sin-é-Café ensemen cun artists sco Jeff Buckley.

Sper ils siat albums ch’el ha publicau ha Mark Geary era scret la musica per differents films (p.ex. Loggerheads [2005] e Sons of Perdition, [2010]). Ultra da quei cumparan sias canzuns era en serias da televisiun sco One Tree Hill e Bones ni en films dramatics (Tanner Hall [2009] e 2nd Serve [2012]).