Anna Cathomas ed Elisabeth Sulser

historias e musica

Dapi l’entschatta dalla Notg culturala Surselva ei Anna Cathomas dalla partida cun sias praulas e historias raquintadas libramein – quella gada vegn ella accumpignada musicalmein dad Elisabeth Sulser.

La musicista Elisabeth Sulser lai resunar melodias da tiaras lontanas e da temps vargai sin flautas, cornas da camutsch e cornamusas. Aschia s’entretschan ils plaids dad Anna ed ils tuns dad Elisabeth ad in’unitad pli gronda e creeschan numerus maletgs interns.